MOQ rahbariyati Qashqadaryoda o'rganish ishlarini olib bordi

O'zbekiston Milliy Olimpiya qo'mitasi Bosh kotibi Oybek Kasimov, Qo'mita raisi o'rinbosarlari Ravshan Irmatov, Azizjon Kamilov, Saken Polatov, Sportni rivojlantirish vazirining maslahatchisi Avaz Karimov safar davomida Xalq talimi vazirligi, viloyat sportni rivojlantirish boshqarmasi mutasaddilari hamrohligida viloyatdagi sport talim muassasalarining faoliyatini o'rganishdi. 

Viloyat sportini rivojlantirishning istiqbolli rejalariga bag'ishlangan yig'ilishda Qashqadaryodagi asosiy BO'SM, IBO'SM, viloyat OZK, hududiy federaciyalar vakillari ishtirok etishdi.

Sohadagi kamchiliklar va echimini kutayotgan masalalarni o'rganish bo'yicha o'tgan ochiq muloqotda 23 may kuni Prezidentimiz raisligida o'tgan videoselektor yig'ilishida ko'tarilgan mavzular, unda belgilangan vazifalar ijrosini amalga oshirish tizimi muhokama qilindi. 

SHuningdek, unda davlatimiz rahbarining joriy yil 22 aprel kuni ushbu viloyatga tashrifi doirasida soha mutasaddilariga bergan topshiriqlarining bugungi kundagi holati ham o'rganildi.

Mutasaddilar Prezidentimiz tomonidan sport talimini yaxshilash, iqtidorli sportchilarni saralash va ularning zaxirasini yaratish hamda murabbiylarni tayyorlash yo'nalishiga katta ahamiyat qaratayotganini alohida takidlashdi. 

Bu borada yurtboshimiz tomonidan kecha imzolangan “Oliy sport mahorati instituti faoliyatini tashkil qilish chora-tadbirlari to'g'risida”gi va “Davlat sport-talim muassasalari faoliyatini mutlaqo yangi tizim asosida tashkil qilish chora-tadbirlari to'g'risida”gi Qarorlar orqali sohaning qanchalik dolzarb ekani tushuntirildi.

Yig'ilish davomida Prezident topshirig'i asosida dzyudo va taekvondo sport turlarida yosh iqtidorli sportchilarni hududlarda selekciya qilish bo'yicha ishlangan yangicha tizim taqdimoti o'tkazilib, uni amalga tatbiq qilish bo'yicha fikr-mulohazalar bildirildi. 

Tadbirdan so'ng mutasaddilar viloyatdagi talim muassasalarning faoliyati bilan yaqindan tanishishdi.