MOQ sharq yakkakurashlari bo'yicha katta festivalga asos soldi

O'zbekiston Milliy olimpiya qo'mitasi tashabbusi bilan o'tkazilgan ushbu sport bayramida mamlakatimizda faoliyat olib borayotgan 25 ta sport yakkakurash federaciya va associaciyalar vakillari ishtirok etishdi.

Festivalda sharq yakkakurashlari hisoblangan karate va taekvondoning turli yo'nalishlari, shuningdek, dzyudo, sambo, ushu, penchak-silat, muaytay, kikboksing, o'zbek jang sanati, qo'l jangi, turon kabi sport turlari vakillari o'zlarining ko'rgazmali chiqishlari bilan yig'ilganlarni hushnud etishdi.

Ushbu ajoyib harakatlar tomoshabinlarda katta taassurot qoldirdi va davomiy olqishlarga sazovor bo'ldi. Qolaversa, festivalga tashrif buyurganlar taniqli murabbiy va sportchilar bilan muloqot qilish imkoniyatiga ham ega bo'ldilar. 

Tadbirda O'zbekiston Milliy olimpiya qo'mitasi Bosh kotibi Jasur Matchanov, SHarq yakkakurashlari federaciyalari rahbarlari, murabbiylar, sportimiz yulduzlari va muxlislar ishtirok etishdi. Taniqli xonanda va estrada yulduzlarining ishtiroki esa sport bayramiga o'zgacha fayz bag'ishladi.

Mazkur festivalni o'tkazishdan ko'zlangan eng asosiy maqsad – ayni paytda tarqoq holda faoliyat yuritayotgan federaciya va associaciyalarni yagona maqsad yo'lida birlashtirishdir. 

Xabaringiz bor, Milliy olimpiya qo'mitasi so'nggi paytlarda noolimpiya sport turlaridagi etakchi, iqtidorli sportchilarni Olimpiya oilasiga mansub sport turlariga, yani, dzyudo, karate, taekvondo WTF kabi turlariga yo'naltirish ishlarini amalga oshirmoqda.

Bu borada kecha tashkil etilgan festival muhim qadamlardan biri bo'ldi. Ushbu tadbir ularni o'zaro hamkorlikda, hamjihatlikda ishlashga o'ziga xos davat bo'ldi. Bundan buyon ana shunday festivallarni muntazam ravishda o'tkazib borishga kelishib olindi.