MOQ va O'zbekiston gimnastika federaciyasi mutasaddilari mavjud muammoga echim qidirishmoqda

Pandemiya boshlangandan beri Yunusobod tumanidagi Gimnastika saroyi kasallikka chalingan hamyurtlarimizning davolanishi uchun beminnat xizmat qilib kelmoqda. Buning natijasida gimnastikachilarimiz uchun barcha sharoitlarga ega muqobil obekt topish yana dolzarb masalaga aylandi. 

MOQ mutasaddilari Ruslan Mustaev boshchiligidagi O'zbekiston gimnastika federaciyasi hamda Gimnastika bo'yicha Respublika oliy sport mahorati maktabi vakillari bilan ushbu masala yuzasidan fikr almashishdi.

Qayd etish joiz, Tokio-2020 ciklida qiyin sharoit bo'lishiga qaramay, gimnastikachilarimizning tayyorgarligi uchun barcha sharoitlar yaratib berildi. Sportchilarimiz uzliksiz xalqaro va mahalliy o'quv-mashg'ulot yig'inida bo'lishdi. Buni uchrashuv davomida yig'ilgan Gimnastika bo'yicha Respublika oliy sport mahorati maktabi, O'zbekiston gimnastika federaciyasi mutasaddilari va murabbiylar ham etirof etib, buning uchun Prezidentimiz va davlatimizga o'z minnatdorchiliklarini izhor qilishdi.

Hukumatimizning qo'llab-quvvatlashi bilan barcha terma jamoalarda yilning eng muhim starti Xanchjou-2022 Osiyo o'yinlariga tayyorgarlik ham jadal suratlarda olib borilmoqda. Biroq yuqorida qayd etilgan masala sabab gimnastikachilarimizning yig'inida ayrim muammolar paydo bo'ldi.

Yig'ilish davomida sportchilarimiz shug'ullanishi uchun shahrimizdagi boshqa sport obektlari, ularni qabul qilish imkoniyatlari muhokama qilindi. Gap shundaki, gimnastikada mashg'ulotlar zali uchun bir qator meyorlar mavjud. Jumladan, badiiy gimnastikada shiftning balandligi 16 metrdan kam bo'lmasligi kerak. Erdagi to'shamalarda ham o'ziga yarasha talablar bor.

Suhbatda Toshkent Axborot-texnologiyalari universiteti, Toshkent moliya instituti, “Yunusobod sport majmuasi” shuningdek, yana bir qator zallarga etibor qaratildi. Agar o'rganishlar ko'ngildagidek natija bermaydigan bo'lsa, Gimnastika zali yaqinida engil konstrukciyali maxsus zal qurish varianti ham o'rtaga tashlandi. 

Qolaversa, sportimiz rivojini yangi bosqichga olib chiqish bo'yicha tayyorlanayotgan Vazirlar Mahkamasining qaror loyihasiga ham takliflar kiritish bo'yicha muhokama olib borildi.