MOQda bayram munosabati bilan bir guruh sport faxriylari taqdirlandi

Zero, ularning boy tajribasi va bilimi sabab o'zbek sporti yildan yilga rivojlanib bormoqda. Faxriylarimizning mana shu yoshda ham yosh atletlarimizni qo'llab-quvvatlashi esa kishini xursand qiladi. Ayniqsa, faxriylarimizning bizni sog'lom turmush tarzi va ommaviy sport sari chorlashi maqtovga sazovor.

Kecha MOQning 28 yilligi munosabati bilan qo'mitaning tashkil etilishida, yurtimizda Olimpiya harakati va Olimpizm g'oyalarini targ'ib qilishda faol bo'lgan bir guruh o'zbek sporti faxriylari taqdirlandilar. Mazkur tadbirda MOQ prezidenti Rustam SHoabdurahmonov, Jismoniy tarbiya va sport vazirining birinchi o'rinbosari Oybek Kasimov, MOQ vice-prezidentlari Saken Polatov hamda Azizjon Kamilov, O'zbekiston sport faxriylari Kengashi raisi Komiljon Xudoyberganov, shuningdek, OAV xodimlari ishtirok etishdi.

“Sport har yili yurtimiz bo'ylab keng ommalashib bormoqda. Atletlarimiz esa yuksak g'alabalarga erishib, mamlakatimizning o'ziga xos imijini yaratishmoqda. Ayniqsa, ommaviy sportning ajralmas qismi bo'lgan Olimpizm va Olimpiya harakati yurtimizda keng rivojlanib borayotir. Bularning barchasi mamlakatimiz rahbarining etibori va tashabbusi samarasidir. Bugun mana shu erda butun umri davomida sport sohasida ishlagan va hayotini unga bog'lagan o'zbek sporti faxriylari jam bo'lishdi. Biz ularning oldida umrbod qarzdormiz. Negaki, mamlakatimizda sportning mana shunday rivojlanishida ularning ham munosib xissasi bor”, – dedi Komiljon Xudoyberganov.

SHundan so'ng O'zbekiston Jismoniy tarbiya va sport Davlat qo'mitasi raisining sobiq o'rinbosari Igor Baraban, Jismoniy tarbiya va sport qo'mitasining sobiq raisi Bahodir Maxsitov, Jismoniy tarbiya va sport vazirining birinchi o'rinbosari Oybek Kasimov so'zga chiqib, shu paytgacha yuzaga kelgan qiyinchiliklarga qaramasdan o'z maqsadlari yo'lida oldinga harakat qilingani, hukumatimiz rahbariyati va MOQ esa ularning bunday mehnatini doimo qadrlab kelishini takidlab o'tdilar. SHuningdek, so'zga chiqqanlar mazkur yil oldimizda turgan ulkan start – Tokio-2020 Olimpiadasida sportchilarimizning muvaffaqiyatli ishtirok etishlarini tilab qolishdi.

Tadbir yakunida MOQ prezidenti Rustam SHoabdurahmonov so'zga chiqdi.

“Faxriylarimiz – bizning g'ururimiz. Ulardagi ulkan tajriba va Prezidentimiz SHavkat Mirziyoevning tashabbuslari bilan O'zbekistonda sport yangi cho'qqiga chiqmoqda. Biz barcha maqsadlarga erishamiz. Buning uchun barchamiz birgalikda mehnat qilib, xalqimizning ishonchini oqlab, yuqori marralarni ko'zlashimiz kerak”, – dedi MOQ rahbari.