Moskvada AIBA Kongressi boshlandi, G'ofur Rahimov hisobot berdi

Kongressning birinchi kunida tashkilotning bugungi kundagi vaqtinchalik prezidenti vazifasini bajarayotgan hamyurtimiz G'ofur Rahimov so'zga chiqdi va amalga oshirilgan ishlar bo'yicha hisobot berdi.

G'ofur Rahimov o'z chiqishida turli masalalar haqida gapirdi. Jumladan, tashkilotga rahbar sifatida etib kelganida AIBA qarzlari 40 million dollardan ortiq edi. U qisqa vaqt ichida ushbu qarzlardan qutulganligini, bugungi kunga kelib esa AIBA to'g'ri yo'lga tushib olgani haqida gapirdi.

SHuningdek, Rahimov ayollar boksini rivojlantirish haqida ham gapirib o'tdi. Qolaversa, bugungi kunda xavf solib turgan eng katta muammo - boksni Olimpiya o'yinlari dasturidan chiqib ketishiga yo'l qo'ymasligini ham malum qildi. Boks dastlabki Olimpiya o'yinlaridan buyon davom etib kelayotgani, bundan keyin ham Olimpiya oilasida qolishini takidlab o'tdi.

Kongress o'z ishini davom ettirmoqda. Prezidentlik saylovlari ertaga o'tkaziladi.

Kamoliddin Alimov, Moskva.

Suratlar muallifi: Marufjon Asqarov.