Moskvada AIBA Kongressi yakunlandi, G'ofur Rahimov tashkilot rahbarligiga saylandi

YANGILASH

G'ofur Rahimovga 134 mamlakat federaciyalarining 86 tasi ovoz berdi va shu tariqa hamyurtimiz saylovda g'olib bo'ldi.

G'ALABA! G'OFUR RAHIMOV AIBA PREZIDENTI!

Saylov natijalari hisoblanmoqda.

Prezidentlik uchun nomzodlar saylov zalidan chiqarib yuborildi. Ovoz berish jarayoni boshlandi!

SHundan so'ng Serik Konakbaevga so'z berildi: "Bu erda bo'lish men uchun katta sharaf. Bugun hayotimdagi eng muhim kun. Biz bu erga boksni saqlab qolish uchun yig'ildik. SHaxsiy manfaatlar ustun bo'lmasligi lozim. Yagona maqsad yo'lida ishlamasak AIBA va boksni yo'qotib qo'yamiz".

G'ofur Rahimov so'zga chiqdi: "To'rt yil sizlar bilan birga ishlashga tayyorman. Buni albatta sizlar hal qilasizlar. Boks kelajagi sizning qo'lingizda. Birgalikda ishlab qarzdorliklarni yopamiz. Boks Tokiodagi Olimpiadada albatta bo'ladi. Olimpiada va boks bir oiladir. Moliyaviy masalalarda ko'p ishlashimiz lozim. Bu mening qo'limdan keladi".

Ijroqo'm azoligi uchun saylovlar boshlandi. 

Kongress o'z ishini davom ettiradi. 

Kongressda tushlik elon qilindi.

Yana bir marotaba yo'qlama o'tkazilmoqda. Bu zaldan xech kim chiqib ketmaganligiga ishonch hosil qilish uchun amalga oshirilmoqda. 

Saylov bo'lib o'tayotgan zal jiddiy ravishda qo'riqlanmoqda. Xech kim kiritilmayapti va chiqarilmayapti.

Saylov oldidan ovoz berish tizimi tekshiruvdan o'tkazilmoqda. 

Delegatlar tugma bosish orqali o'zlari lozim topgan nomzodga ovoz beradilar. Ovoz berib bo'lganlar tashqariga chiqib ketmasliklari haqida ogohlantirildilar. Saylov qoidalari tushuntirib berilmoqda. 

Saylovda 136 ta mamlakat vakillari ovoz beradigan bo'ldilar. 

Hozircha yo'qlama o'tkazilmoqda. 

Kongressning ikkinchi kuni boshlandi. 

Kun tartibidan o'rin olgan eng asosiy masala tashkilotga yangi rahbar saylashdir. Prezidentlik saylovida hamyurtimiz G'ofur Rahimov ham ishtirok etmoqda. Unga bu borada Osiyo boks Konfederaciyasi rahbari, qozog'istonlik Serik Konakbaev raqiblik qiladi. 

Moskva shahrida AIBAning navbatdagi Kongressi davom etmoqda. Kecha boshlangan yirik tadbir bugun nihoyasiga etadi.