Muhriddin Tilovovni tabriklaymiz!

Muhriddin Tilovov 1994 yilning 1 iyun kuni Qashqadaryo viloyatining Yakkabog' tumanida dunyoga kelgan. Avvaliga kurash, keyin esa dzyudo sport turida shug'ullanishni boshlagan. Murabbiyi - Abdurashid Bo'riev. Bugungi kunda -66 kg vazn toifasida yurtimiz sharafini himoya qilib kelmoqda.   

O'tgan 2019 yil Muhriddin uchun omadli keldi. U O'zbekiston chempionatida oltin medalni qo'lga kiritdi. Xitoyning Uxan shahrida o'tkazilgan Butunjahon armiya o'yinlarida terma jamoamiz hisobiga kumush medalni taqdim etdi. 

Fursatdan foydalanib, O'zbekiston dzyudo federaciyasi rahbariyati, murabbiylar shtabi va dzyudochilar nomidan Muhriddin Tilovovni bugungi unutilmas kun - tavallud ayyomi bilan muborakbod etamiz. Unga sihat-salomatlik, oilaviy baxt tilaymiz. Tatamida qo'li hamisha baland bo'lsin!