20 okt 16:01
Yangiliklar
Boks/MMA
Mujibillo Tursunovning WBC Gran-prisi finalidagi raqibi kim bo'lishi malum
19 oktyabr kuni Saudiya Arabistonining Ar-Riyod shahrida boks bo'yicha WBC Gran-prisi musobaqasining yarim final bosqichidan o'rin olgan bellashuvlar o'tkazildi.
Musobaqada super engil vazn toifasidagi bahslarda o'zining g'alabali yurishini davom ettirayotgan hamyurtimiz Mujibillo Tursunovga final chiptasi yo'lida ukrainalik Danilo Lozan qarshilik qildi. 6 raundga mo'ljallangan jang to'liq davom etib, yakunda Tursunov ochkolar evaziga g'alaba qozongan holda Gran-prining hal qiluvchi bosqichiga yo'llanmani qo'lga kiritdi.
25 yashar charm qo'lqop ustamiz endi 5 dekabr kuni musobaqa g'olibligi uchun kolumbiyalik Karlos Utria bilan bahs olib boradi. Utria yarim final bosqichida JAR vakili Ntetelo Nkosini birinchi raundda nokautga uchratgan edi. U faoliyati davomida 12 ta prof jang o'tkazib, barchasida raqiblaridan ustun kelgan.
Havola :
Manba : olamsport.com
Fikrlar