31 mar 13:35
Yangiliklar

Boks/MMA

Murodjon Ahmadaliev 4 may kungi jangiga Naoya Inouening bo'lajak raqibi bilan tayyorlanyapti (FOTO)

Teglar : Murodjon Ahmadaliev Ramon Kardenas

Prof boksning ikkinchi eng engil vazn toifasida WBA Interim kamari sohibi, o'zbekistonlik Murodjon Ahmadaliev keyingi jangi uchun mashg'ulotlarni davom ettirmoqda.

30 yoshli hamyurtimiz Toshkent vaqti bilan 5 may kuni tongda AQSHning Las-Vegas shahrida tashkil etiladigan boks oqshomida ringga ko'tariladi. Unga kim raqiblik qilishi nomalum.

Turnir markaziy jangi ikkinchi eng engil vaznning yaponiyalik mutlaq chempioni Naoya Inoue va AQSH vakili Ramon Kardenas o'rtasida kechadi. Biz uchun ahamiyatlisi, Ahmadaliev jang uchun tayyorgarlikni aynan Kardenas bilan birgalikda olib bormoqda.

Mazkur oqshomda Inoue va Ahmadaliev o'z janglarida g'alaba qozonsa, sentyabr oyida o'zaro to'qnash kelishadi.