Murodjon Ahmadaliev bahordayoq ringga qaytmoqchi

CHarm qo'lqop ustamiz shu yilning may oyida ringga qaytishni rejalashtirayotganini malum qildi.

"Men variantlarni o'rganyapman va tez orada qaror qabul qilaman. Juda katta ehtimol bilan may oyida ringga qaytaman, - dedi 31 yoshli o'zbekistonlik bokschi The Ring nashriga bergan intervyusida. - O'sha jangda jiddiy jarohat olmaganim uchun tezroq ringga qaytishni istadim. Men Inoue bilan yana bir bor uchrashishdan mamnun bo'lardim, ammo uning himoya majburiyatlari bilan bu qiyin masala".

"Albatta, men bir qator xatolarga yo'l qo'ydim, ammo endi bu muhim emas, - deya qo'shimcha qildi Ahmadaliev Inoue bilan jangni eslab. - Gap-so'zlar hech narsani o'zgartirmaydi. O'shanda men jangga qayta olmadim va bu mening aybim. Dunyoning eng yaxshilaridan biri bilan jang qilish sharaf va katta saboq bo'ldi. Tan olaman, o'sha oqshom Inouening holati yaxshiroq edi. Ajoyib jang rejasi, kuchli intizom. U buni uddaladi".

Hozirgi holatda Ahmadaliev chempionlik jangida ringga qaytishni xohlaydi, shuning uchun yarim engil vazn toifasiga ko'tarilishga ham tayyor. Unga tezroq ringga qaytish muhimroq.

"Men birinchi yarim engil yoki yarim engil darajadagi har qanday janglar uchun ochiqman - agar bu manoga ega bo'lsa, - dedi Murodjon. - Men kamar uchun jang qilishni afzal ko'rardim, lekin bu mening qo'limda emas. Matchroom kompaniyasi bilan yaxshi munosabatdaman, jamoam keyingi jang ustida ishlamoqda. Menda hali ko'p kuch bor va boks muxlislarini xursand qilmoqchiman".