Murodjon Ahmadaliev: "U eng kuchli bokschi emas!"

"Inoue — chempion, P4P reytingi etakchilaridan biri! Uni hurmat qilaman. Biroq Naoya men bilan jang qilishi kerak. Men ham bu vazndagi eng kuchlilardanman, jahon chempioni bo'lganman. U mendan qo'rqayotgan bo'lishi mumkin. Boksda erishish mumkin bo'lgan barcha mavjud narsalar menda bor. Ringda ko'p narsani uddalay olaman. 

Inoue bilan jang bo'lsa, men shunday jang ko'rsatardimki, ular o'zlari hayratda qolishar edi. Nima uchun u men bilan jang qilishni istamayapti? CHunki bu jang u uchun xavfli. U o'zini eng kuchliman deb hisoblaydi, lekin men bilan jang qilishga botinolmaydi. Buni qanday tushuntirishni bilmayman. Agar u men bilan jang qilishni xohlamasa, demak, u eng kuchli bokschi emas!

Men tayyorman. Allaqachon unga chaqiruv tashlaganman. Istalgan joyda — Yaponiya yoki Amerika, menga buning farqi yo'q. Istalgan joyda jang qilishga tayyorman", dedi Ahmadaliev.

Malumot uchun, 31 yoshli yaponiyalik Naoya Inoue ayni paytda ikkinchi eng engil vazn toifasida WBA, WBC, WBO hamda IBF kamarlari sohibi hisoblanadi. Murodjon Ahmadaliev esa uning WBA kamari uchun majburiy davogar bo'lib turibdi.