Murodjon Ahmadaliev va Daniel Roman tarozidan o'tdi, ertaga jang (+FOTO)

Bugun har ikki bokschi mazkur muhim jang oldidan tarozidan o'tishdi. Unga ko'ra, hamyurtimiz 121,4 funt (55,1 kg) tosh bosdi. Ikki vazn chempioni Daniel Roman esa 121,6 funt (55,1 kg) natija ko'rsatdi. 

Malumot uchun, Ahmadaliev shu kungacha prof boksda 7 ta jang o'tkazgan va ularning barchasida g'alaba qozongan (6 ta nokaut). Daniel Roman esa ayni paytda ikkinchi engil vazn toifasining WBA va IBF yo'nalishlari chempioni hisoblanadi. SHu kungacha 30 ta jang o'tkazgan va ularning 27 tasida g'alaba qozongan (10 ta nokaut). 2 marotaba mag'lub bo'lgan. 1 ta jangda esa durangga erishgan. 

Agar hamyurtimiz mazkur jangda g'alaba qozonsa jahon boksi tarixidagi rekordni takrorlaydi. 

Biz Olamsport.com sayti nomidan bokschimizga ushbu tarixni yangilashda muvaffaqiyatlar tilab qolamiz.