Murodjon Ahmadaliev va Isroil Madrimov tayyorgarlikni yakunlashdi

Ikkinchi eng engil vaznda WBA va IBF yo'nalishlari bo'yicha jahon chempioni Murodjon Ahmadaliev (11-0, 8 KO) 9 aprel kuni tongda San-Antonio (AQSH)da IBF yo'nalishi bo'yicha majburiy raqib filippinlik Marlon Tapalesga (36-3, 19 KO) qarshi bo'lib o'tadigan jangiga tayyorgarlikni yakunladi.

SHu kuni yana bir bokschimiz — superyarim o'rta vazn toifasidagi Isroil Madrimov amerikalik Rafael Igbokvega qarshi ringga ko'tariladi. Bokschilarimiz ushbu jangga tayyorgarlikni Indioda olib olib borishdi va endi bor etibor vazn tashlashga qaratiladi.

"Alhamdulillah, bo'lajak jangga tayyorgarlikni yakunladik. Barchani 8 aprel kuni San-Antoniodagi boks oqshomida kutamiz. Sizning qo'llab-quvvatlashingiz va g'alabamizga bo'lgan ishonchingiz biz uchun doimo oldinga intilishimizga yanada kuch bag'ishlaydi. Biz uchun duoda bo'lgan barchaga katta rahmat. In SHa Alloh, g'alaba biz tarafda bo'ladi", - deb yozib qoldirgan "Kaka" Ahmadaliev chempionlik jangi oldidan.

Malumot uchun, bokschilarimiz ishtirokidagi jang kechasi Toshkent vaqti bilan 9 aprel kuni 05:00 da boshlanadi.