26 okt 09:28
Yangiliklar

Boks/MMA

Murodjon Ahmadalievning vaznidagi Naoya Inoue - Marlon Tapales chempionlik jangi tasdiqlandi + POSTER

Birinchi yarim engil vazn toifasida WBC va WBO chempioni Naoya Inouening Yaponiyada WBA va IBF yo'nalishlari chempioni Marlon Tapalesga qarshi jang o'tkazishi tasdiqlandi.

CHempionlik jangi avval xabar berganimizdek, 26 dekabr kuni Yaponiyaning Tokio shahrida tashkil etiladigan professional boks oqshomi doirasida o'tkaziladi.

Eslatib o'tamiz, 30 yoshli Inoue shu yilning iyul oyida Stiven Fultonni muddatidan oldin mag'lub etib, ushbu vazndagi WBO va WBC kamarlarini qo'lga kiritgan edi.

31 yoshli filippinik bokschi Marlon Tapales esa aprel oyida hamyurtimiz Murodjon Ahmadalievni ochkolar hisobiga ko'ra mag'lub etgan va WBA hamda IBF kamarlarini o'ziniki qilgandi.