Murodjon CHoriev: "Taekvondochilar Tokiodagi yig'inni jadal suratlarda olib borishmoqda"

O'zbekiston taekvondo associaciyasi matbuot xizmati tashkilot bosh kotibi vazifasini vaqtincha bajaruvchisi Murodjon CHorievdan yig'in haqida malumot oldi. 

"O'zbekiston taekvondo terma jamoasi o'quv-mashg'ulot yig'inini jadal suratlarda olib bormoqda. Sportchilarimizga yuklamalar maksimal tarzda berilmoqda. Taekvondochilarimiz kuniga ikki mahaldan mashg'ulot o'tkazishmoqda. SHifokorlar har bir sportchimizning holatini nazorat qilib borishmoqda. Muolajalar vaqtida bajarilmoqda, sport taomlari va farmakologik dori-darmonlarini vaqtida qabul qilishmoqda. 

Takidlash lozimki sportchilarimizga barcha sharoitlar yaratib berilgan. Ulardan faqat mashg'ulot o'tkazish va Olimpiadaga maksimal yuqori sport formasida etib borish talab etilmoqda xolos", - deydi Murodjon CHoriev.