Murodjon Yo'ldoshev uchun chempionlik yo'lakchasi FOTOGALEREYA

Almada tatamilarida dzyudochilarimizdan birgina Murodjon Yo'ldoshev o'z vazn (-73 kg) toifasida oltin medalni qo'lga kiritgandi. 

Kecha kunning ikkinchi yarmida O'zbekiston dzyudo federaciyasida chempion sharafiga kichik tadbir tashkil etildi. Mashg'ulotlarda ishtirok etayotgan erkaklar va ayollar terma jamoamiz azolari Murodjonni chempionlik yo'lakchasi ko'rinishida qarshi olishdi. 

Ushbu kichik tadbirda O'zbekiston milliy olimpiya qo'mitasi raisi o'rinbosari, mamlakat dzyudo federaciyasi raisi Azizjon Kamilov, rais o'rinbosarlari, Ilias Iliadis boshchiligidagi terma jamoa murabbiylari ham qatnashib, chempionni ulkan muvaffaqiyat bilan tabriklashdi. SHu hafta Parij "Katta Dubulg'a" turnirida ishtirok etadigan qolgan dzyudochilarimizga esa omad tilashdi.