Mutal Nazarov jahon chempionatida hakamlik qildi

Uch kun davomida Yaponiya poytaxti Tokio shahri fulkontakt karate bo'yicha jahon chempionatiga mezbonlik qildi. Ushbu dunyo birinchiligida O'zbekiston nomidan Mutal Nazarov hakam sifatida taklif etildi. 

Nazarovning xabar berishicha, bugungi kunda 10 millionga yaqin kishi ushbu sport turi bilan shug'ullanib kelmoqda va shu yilning o'zida O'zbekiston yangi Fulkontakt karate federaciyasi ochilishi rejalashtirilyapti. 

NUR-HAS markaziga oid yana bir yangilik, Navoiy shahrida viloyat hokimi kubogi uchun musobaqa o'tkazildi. Ushbu turnir oldidan xalqaro seminar ham tashkil etilib, unda qo'shni Qirg'iz Respublikasidan kelgan sportchilar ishtirok etdi. 

Bundan tashqari, NUR-HAS markazi tarbiyalanuvchilari 20-21 iyun kunlari Tojikiston poytaxti Dushanbe shahrida o'tkaziladigan shinkiokushinkay karate bo'yicha xalkaro turnirga tayyorgarlik ko'rishyapti. 28-29 iyun kunlari esa Qozog'istonning Astana shahrida ham xalqaro musobaqa bo'lib o'tadi. 

SHuningdek, 1-3 iyul kunlari Vengriya davlatining Solnok shahrida o'smirlar, yoshlar, kattalar va faxriylaro'rtasida o'tkaziladigan jahon chempionatida ham karatechilarimiz yurtimiz sharafini himoya qilishadi. 

Yana bir malumot, bugun poytaxtimizda xalqaro seminar boshlandi. Unda Sankt-Peterburg shahridan kelgan Rossiyada 11 ta mintaqa shinkiokushinkay federaciyalari prezidenti bo'lgan Abdurashid Xidirov yosh karatechilarimizga mahorat saboqlarini o'tkazadi.