Mutasaddilar etiborida Olimpiya shaharchasi va uning hududida qurilayotgan inshootlar

Kecha ushbu masalalarga bag'ishlangan navbatdagi yig'ilish bo'lib o'tdi. Uchrashuvni Sport vaziri Adham Ikramov olib bordi. Unda Qurilish va uy-joy kommunal xo'jaligi vazirligi, Milliy Olimpiya qo'mitasi, Xitoyning "CAMC Engineering" kompaniyasi masullari ishtirok etishdi.

Suhbat davomida Adham Ikramov har bir obektning bugungi kundagi holati, ularni jihozlashda ishlatish ko'zda tutilayotgan materiallar haqidagi malumot bilan yaqindan tanishdi. SHuningdek, shaharcha ichida quriladigan mamuriy bino, tibbiyot markazi va boshqa inshootlardan O'yinlardan so'ng qay tartibda foydalanilishi bo'yicha mulohazalar olib borildi.

Qolaversa, shaharchaga tashrif buyuradigan mehmonlar uchun barcha qulayliklarni yaratish, ularning shaharchadan katta taassurotlar bilan qaytishi uchun ko'ngilochar hududlar tashkil etish masalasi ham ko'rib chiqildi.