Muzaffar sportchilarimiz tantanali ravishda kutib olindi FOTOREPORTAJ

Ilk bor tashkil etilgan Hamdo'stlik o'yinlarida to'qqiz davlatdan bir yarim mingdan ziyod sportchilar medallar uchun bahs olib borishdi. Ushbu musobaqada o'zbekistonlik sportchilar 23 ta oltin, 32 ta kumush, 36 ta bronza, jami 91 ta medal qo'lga kiritib, umumjamoa hisobida Rossiyadan so'ng ikkinchi o'rinni egallashdi. 

Kecha oqshom MDH o'yinlarida muvaffaqiyatli tarzda qatnashgan sportchilarimiz yurtimizga qaytib kelishdi. Muzaffar sportchilarimiz Islom Karimov nomidagi Toshkent xalqaro aeroportida tantanali ravishda kutib olindi.

Tadbirda O'zbekiston Respublikasi Bosh vaziri o'rinbosarlari Behzod Musaev, Aziz Abduhakimov (Turizm va sport vaziri), O'zbekiston xalq artisti Tesha Mo'minov ishtirok etdi. O'zbekiston hukumati ushbu musobaqada sovrindor bo'lgan sportchilarni pul mukofotini bilan taqdirladi.

Unga ko'ra sportchilarimiz quyidagicha taqdirlanishdi:

Oltin medal - 25 million so'm

Kumush medal - 15 million so'm

Bronza medal - 10 million so'm

Murabbiylar - 12 500 000 so'm

Eslatib o'tamiz, MDH o'yinlarida dzyudo bo'yicha terma jamoamiz yakkalik bahslarida 4 ta oltin, 2 ta kumush, 6 ta bronza, jami 12 ta medal bilan umumjamoa hisobida mezbonlardan so'ng ikkinchi o'rinni egallashdi. Jamoaviy bahslarda dzyudochilarimizga teng keluvchi raqib topilmadi. Rossiya (5:2) va Ozarbayjon (5:3) terma jamoalarini mag'lub etgan polvonlarimiz MDH o'yinlari chempioni bo'lishdi.