19 apr 14:14
Yangiliklar

Tadbirlar

Namanganda sport yo'nalishidagi rahbar xodimlar bellashdi

Namanganda sport yo'nalishidagi rahbar xodimlar o'rtasida shaxmat va badminton bo'yicha “Boshqarma boshlig'i kubogi” musobaqasi o'tkazildi.

O'zbekiston Respublikasi Prezidentining 2020 yil 30 oktyabrdagi “Sog'lom turmush tarzini keng tatbiq etish va ommaviy sportni yanada rivojlantirish chora tadbirlari to'g'risida”gi Farmoni ijrosini taminlash maqsadida Namangan shahar Davlatobod tumanida joylashgan 1-sonli bolalar-o'smirlar sport maktabiga qarashli badminton markazida, viloyat Turizm va sport bosh boshqarmasi tasarrufidagi sport va talim muassasalarida faoliyat ko'rsatayotgan rahbar xodimlar o'rtasida shaxmat va badminton bo'yicha “Boshqarma boshlig'i kubogi” musobaqasi o'tkazildi.

SHaxmat musobaqasida jami 23 nafar ishtirokchi g'oliblik uchun dona surishdi. Murosasiz kurashlar ostida o'tgan bahslar yakuniga ko'ra g'olib va sovrindorlar quyidagicha ko'rinish oldi:

Erkaklar:

1. Kan Aleksandr – Namangan shahar Davlatabod tuman 1-BO'SM uslubchisi;

2. Umarov Mirvoxid – To'raqo'rg'on tuman BO'SM direktor o'rinbosari;

3. Boboev Olimjon – Sport o'yinlari va engil atletikaga IBO'SM direktor o'rinbosari.

Ayollar:

1. Suxodko Viktoriya – Yakka kurash sport turlariga IBO'SM uslubchisi;

2. Sarmonova SHahnoza – Uchqo'rg'on tuman 2-BO'SM direktori.

Badminton bo'yicha o'tkazilgan musobaqada jami 30 nafar ishtirokchi qatnashdi va quyidagilar g'oliblik shohsupasiga ko'tarilishdi:

1. Xomidov Muhammadjon – CHust tuman BO'SM direktori;

2. Tuychiev Anvarjon – Boshkarma boshlig'i;

3. Tursunov Eldorbek – Pop tumani 2-BO'SM direktori.

Ushbu sport tadbiriga viloyat hokimining Turizm, sport, madaniyat, madaniy meros va ommaviy kommunikaciyalar masalalari bo'yicha o'rinbosari Botirjon Nuritdinov ham tashrif buyurdi va g'oliblarni taqdirladi.