Naoya Inouening navbatdagi jangi bo'yicha muzokara boshlandi

Yaponiyalik "monstr"ning jamoasi birinchi engil vazn (52,2 kg) toifasida WBC, WBA va WBO yo'nalishlari chempioni Jessi Rodriges bilan jang bo'yicha dastlabki muzokaralarni olib bordi.

Promouter Eddi Xirnning aytishicha, gap zudlik bilan uchrashuv haqida ketmayapti, chunki hozirda bokschilarni ikkita vazn toifasi ajratib turadi va ularning har birida janglar rejalashtirilgan: Inoue may oyi boshida Dzyunto Nakataniga qarshi jangda chempionlik unvonini himoya qiladi, Rodriges esa iyun oyida eng engil vazn toifasiga ko'tarilib, WBA chempioni Antonio Vargas bilan uchrashishi kerak.

"Menimcha, bu jang muqarrar, - dedi Xirn. - U Vargas bilan jangdan so'ng darhol bo'lib o'tadi deb o'ylamayman, lekin bu keyingi ikki-uchta jangda sodir bo'lishi mumkin. Bu, ehtimol, boksdagi eng muhim janglardan biridir. Bu fikr Rodrigesga ham yoqadi.

Xirnning so'zlariga ko'ra, ushbu jangni tashkil etishda Saudiya Arabistoni Ko'ngilochar ishlar bosh boshqarmasi raisi Turki Al ash-SHayx ham ishtirok etadi.