Navbatdagi Olimpiada medali uchun harakatmi? O'zbekiston yana bir dog'istonlik erkin kurashchini mahalliylashtirdi

Kecha turnir doirasida erkin kurash bo'yicha bellashuvlarga start berilgandi.

Qizig'i, 65 kg vazn toifasida o'tkazilgan bahslarda asli dog'istonlik Alik Xadarcev ham ishtirok etib, oltin medalga ega chiqdi. U 2024 yilgi O'zbekiston chempionatiga ham jalb etilib, yakunda g'olib bo'lgandi.

Final bellashuvida Xadarcev O'zbekiston terma jamoasining ushbu vazn toifasidagi etakchi sportchisi Umidjon Jalolovdan ustun keldi.

Wikipedia malumotlariga ko'ra, 25 yashar Xadarcev sport fuqaroligini O'zbekistonga o'zgartirgan. U faoliyati davomida o'smirlar o'rtasidagi Rossiya chempioni (2016), O'smirlar o'rtasida Evropa chempioni (2016), Yoshlar o'rtasidagi Rossiya chempionatida bronza medali sohibi (2019), U21 yosh toifasidagi Rossiya chempionatida oltin (2020), MDX mamlakatlari o'yinlarida oltin (2021) hamda kattalar o'rtasidagi Rossiya chempionatida bronza (2023) medallarini qo'lga kiritgan.

Avvalroq, O'zbekiston sport kurashlari assosiaciyasi 74 kg vazn toifasida Rossiya vakili Razambek Jamalovni mahalliylashtirib, Parij-2024 Olimpiadasida oltin medalga ega chiqqandi.

Alik bilan bog'liq malumotni O'zbekiston sport kurashlari assosiaciyasi matbuot xizmati tasdiqlashi mumkin edi, ammo u mavjud emasligi achinarli.

Erkin kurash bo'yicha O'zbekiston kubogining ilk kungi natijalari:

57 kg:

1. Usmonov Husanboy (ROPSTTM)

2. Usmonov Qarshi (Surxondaryo)

3. Tojimamatov Amirxon (Andijon)

3. Abdurasulov Asliddin (Surxondaryo).

65 kg:

1. Xadarcev Alik (Toshkent shahri)

2. Jalolov Umidjon (ROPSTTM)

3. Haydaraliev Nurmuhammad (Namangan)

3. Qo'ldoshev Muhammadqodir (ROPSTTM).

74 kg:

1. Otaxonov Zafar (ROPSTTM)

2. CHo'liboev Jafar (Toshkent viloyati)

3. Kamolov Zafar (Xorazm)

3. Urdoshev Amir (Jizzax).

86 kg:

1. Islomov Bobur (ROPSTTM)

2. Maxsetbaev Aybek (Qoraqalpog'iston)

3. Tojiboev Iskandar (ROPSTTM)

3. Ro'zimboev Boburbek (ROPSTTM).

97 kg:

1. Nazirboev Otabek (ROPSTTM)

2. Saparniyazov Ajiniyaz (Qoraqalpog'iston)

3. Azimov Boymurod (Surxondaryo)

3. Rajabov Mironshoh (Buxoro).