“Navro'z Kubogi" Nyu-Jersi jamoasida + FOTO

Uchinchi marotaba tashkil etilgan bu safargi turnir Florida shtati Orlando shahrida bo'lib o'tdi. Musobaqaning ochilish marosimida O'zbekiston Respublikasining AQSHdagi favqulodda va muxtor elchisi Javlon Vahobov, "Mahalla" jamiyati boshlig'i Abdumalik Ahmedov, bir necha yildan beri AQSHda yashab kelayotgan aktyor Sohib Abbosxon ishtirok etishdi.

Aytish mumkinki, bu yilgi turnirga qiziqish ancha yuqori bo'ldi. Sababi ilk marotaba musobaqada 10 ta shtatdan kelgan 15 ta futbol jamoasi qatnashdi. Ikki kun davom etgan bahslarning hal qiluvchi uchrashuvida "Nyu-Jersi" shtatining “UZB FC" jamoasi Missurining “Lochinlar” jamoasi ustidan 2:1 hisobida g'alaba qozondi. Uchinchi o'rin esa Florida shtatining “Toshkent” jamoasiga nasib etdi.