Nega aynan “Zombi”? (mutolaa uchun)

Himoyalanish haqidagi fikrlar uning uchun ikkinchi darajali hisoblanadi...

26 avgust kuni UFC faxriysi CHan Sung Jung Singapurdagi turnirning asosiy jangida Maks Xolloueyga qarshi bahs olib bordi. Aralash yakkakurash olamida Jung ko'proq “Zombi” nomi bilan mashhur. Xo'sh, unga bunday laqab nega berilgan? Jung maktabda ko'p bor zo'ravonlikkka uchragan, hatto qizlardan tomonidan xam kaltaklangan, keyin esa jang sanati bilan shug'ullanishni boshlagan. Hammasi ana o'shandan keyin boshlandi...

CHan Sung Janubiy Koreyaning Poxan shahrida tug'ilgan, biroq o'smirlik chog'ida Seul yaqinidagi kichik shaharchaga ko'chib o'tgan va u erda jiddiy zo'ravonlikka duch kelgan. Tengdoshlari uni nafaqat begona deb bilishadi, balki jismoniy holati ustidan ham mazah qilishardi. Boisi, u past bo'yli va ozg'in yigit bo'lgan. “Meni har kuni haqorat qilishdi va laqablar qo'yishdi. Do'stlarim yo'q edi. Hatto qizlar ham meni urishardi. Faqat sabr qilish qolgandi”, - deya xotirlaydi jangchining o'zi. 

“Zombi”ning xolasi uni koreys milliy jang sanati – Hapkidoga olib kelganidan so'ng barchasi o'zgardi. Oradan bir yil o'tgach, u kikboksingga o'tdi, o'zini dzyudoda va jiu-jitsuda ham sinab ko'rdi, 18 yoshga etganida taekvondoga bordi. Jung o'zining MMA karerasini Osiyo promoushenlarida 9 ta g'alaba bilan boshladi. Koreys jangchisi 2010 yildan etiboran muxlislar nigohiga tushdi. O'sha yili WEC 48 musobaqasida Leonard Garsiya bilan kechgan 3 raundlik jangda garchi mag'lub bo'lgan bo'lsa-da, oqshomning eng yaxshi jangi uchun taqdim taqdim etiladigan bonus sohibiga aylandi. Uning jangi UFC rahbariyatida iliq taassurot qoldiradi va o'sha kunning o'zidayoq promoushen yosh CHan Sung haqida kichik bir maqola elon qiladi. 

“23 yoshli bu “bemaza” yigit o'zining aqldan ozgan uslubi bilan tanilgan. Himoyalanish haqidagi fikrlar uning uchun ikkinchi darajali hisoblanadi. Qo'llari doim pastda va iyagi doim baland – bu juda hayratlanarli. U raqiblarining zarbalarini deyarli his qilmaydi. Dushmanning kuchli zarbalarini uni bezovtalantirmaydi. Amerika koreys “zombi”sini tabriklaydi”, deyilgandi maqolada. Jung shundan boshlab “Zombi” taxallusini yoqtirib qoldi. Ushbu laqab Janubiy Koreyada juda mashhurdir. Hammasi uning jang uslubi sabab paydo bo'lganini alohida takidlash lozim. 

CHan Sungning qafasdagi tajovuzkorona va takrorlanmas uslubi muxlislarning hurmatiga sazovor bo'ldi. U o'z sparring sheriklari va jamoadoshlarini ham ayab o'tirmaydi. Mashg'ulotlari haqiqiy janglardan farq qilmaydi. Jung AQSHga ko'chib o'tganidan so'ng “Koreyalik zombi”ga aylandi. SHu bilan birga, u o'z shaxsiy brendini rivojlantirib bordi. O'zining savdo liniyasini ishga tushirdi. Qolaversa, sakkizburchakka doim The Cranberries guruhining "Zombie" qo'shig'i bilan kirib keladi. 

“Men uchun tomoshabinlarga qiziqarli janglar tuhfa etish muhim. Menga o'z uslubim yoqadi. O'ylaymanki, laqabim aralash jang sanati ustalari ichida eng yaxshisi”, - deydi sportchining o'zi. “Zombi” hozir 36 yoshda. U juda katta tajribaga ega. Jung shu kunga qadar 2 ta chempionlik jangini o'tkazgan. Endi nega uni “zombi” deyishlarini tushungandirsiz?!

Xorijiy saytlar asosida Xabib Jo'raboev tayyorladi