Nigina Abduraimova Bxopalda 1/4 finalga chiqdi

Mukofot jamg'armasi 40 000 AQSH dollarini tashkil qiluvchi turnirda hamyurtimiz Nigina Abduraimova ham muvaffaqiyatli ishtirok etyapti. Hamyurtimiz musobaqada birinchi raqam ostida tasniflangan. 

Mamlakatimizning birinchi raketkasi biroz avval yakuniga etgan uchrashuvda 1/4 final yo'llanmasini qo'lga kiritdi. Nigina 1/8 finalda rossiyalik Ekaterina Reyngoldni 7/5, 1/6, 7/5 hisobida mag'lubiyatga uchratdi. U ilk bosqichda germaniyalik Emili Uelkerdan 6/1, 6/0 hisobi bilan ustun kelgan edi.  

Taqqoslash uchun, Abduraimova WTA reytingida 176, Reyngold 294, Uelker esa 707-pog'onada bormoqda. Endi tennischimiz yarim final yo'llanmasi uchun dunyoning 227-raketkasi bo'lib turgan rossiyalik Anastasiya Tixonovaga qarshi kortga chiqadi.