Nigina Abduraimova Dubay turniri final ostonasida to'xtatildi

Mukofot jamg'armasi 100 000 AQSH dollarini tashkil etuvchi ushbu turnirda hamyurtimiz Nigina Abduraimova ham muvaffaqiyatli odimlayotgan edi. Hozirgina mamlakatimizning birinchi raketkasi ishtirokidagi yarim final uchrashuvi yakuniga etdi. 

Nigina final chiptasi uchun rossiyalik Anastasiya Tixonovaga qarshi kortga chiqdi. Bir soatu 32 daqiqa davom etgan bahsda dunyoning 216-raketkasi bo'lib turgan Nastya Tixonova 6/0, 6/4 hisoblarida zafar quchib, musobaqaning finaliga yo'l oldi. 

Taqqoslash uchun, Abduraimova WTA reytingida 245-o'rinni band etgan. Bu tennischilarning o'zaro o'tkazgan to'rtinchi bahsi edi. Barcha uchrashuvlarda tajribali Tixonovaning qo'li baland kelgan.