Nigina Abduraimova Dubay turnirida 1/2 finalga chiqdi

Mukofot jamg'armasi 100 000 AQSH dollarini tashkil etuvchi ushbu turnirda hamyurtimiz Nigina Abduraimova ham muvaffaqiyatli odimlamoqda. Mamlakatimizning birinchi raketkasi 94 daqiqa davom etgan 1/4 final uchrashuvida Izabella SHinikovani 7/6(7), 6/2 hisobida taslim etdi. 

Etiborlisi, bolgariyalik bu tennischi nimchorak finalda turnirning birinchi raketkasi, WTA reytingida 124-o'rinni egallab turgan slovakiyalik Viktoriya Xrunchakovani 7/6(5), 1/6, 6/3 hisoblarida mag'lubiyatga uchratgan edi.   

Taqqoslash uchun, Abduraimova WTA reytingida 245, SHinikova 290-o'rinni band etgan. Bu tennischilarning o'zaro o'tkazgan ilk uchrashuvi edi. Endi Nigina final chiptasi uchun rossiyalik Anastasiya Tixonovaga qarshi kortga chiqadi. Dunyoning 216-raketkasi bo'lib turgan Nastya 1/4 finalda belaruslik Yuliya Gatovkadan 7/5, 4/6, 7/5 hisoblaridan ustun keldi.