Nigina Abduraimova Dubayda nomdor raqibasini taslim etdi

Mukofot jamg'armasi 100 000 AQSH dollarini tashkil etuvchi ushbu turnirda hamyurtimiz Nigina Abduraimova ham o'z imkoniyatini sinab ko'rmoqda. Mamlakatimizning birinchi raketkasi ilk davrada germaniyalik tajribali tennischi Sabin Lisickiga qarshi kortga chiqishi haqida xabar bergan edik. 

Hozirgina ushbu bahs yakuniga etdi. Unda Abduraimova 34 yoshli Lisickini 6/3, 6/4 hisobida mag'lubiyatga uchratdi. Sabin faoliyati davomida ikki bor (biri yakkalikda, ikkinchisi juftlikda) "Katta Dubulg'a" turkumiga kiruvchi Uimbldon turniri vice-chempioniga aylangan, 8 ta WTA turnirida bosh sovrinni qo'lga kiritgan edi. 

Taqqoslash uchun, Abduraimova WTA reytingida 245, Liciski esa 306-o'rinni egallab turibdi. Bu tennischilarning o'zaro o'tkazgan ilk uchrashuvi bo'ladi. Niginaning ikkinchi bosqichdagi raqibasi Gergana Topalova (Bolgariya) - Ekaterina Makarova (Rossiya) uchrashuvida aniqlanadi.