Nigina Abduraimova Franciyada qiyinchiliksiz 1/2 finalga chiqdi

Mukofot jamg'armasi 60 ming evroni tashkil etuvchi ushbu turnirda hamyurtimiz Nigina Abduraimova ham muvaffaqiyatli ishtirok etyapti. Mamlakatimizning birinchi raketkasi chorak final uchrashuvida chexiyalik Anna Siskovaga hech qanday imkoniyat qoldirmadi - 6/2, 6/1.

Taqqoslash uchun, turnirda ettinchi raqam ostida tasniflangan Nigina dunyoning 181-raketkasi bo'lib turibdi. Reytingning 354-pog'onasida borayotgan Siskova esa kecha turnirning uchinchi raketkasini musobaqadan chiqarib yuborgandi.

Ertaga Abduraimova final chiptasi uchun amerikalik Robin Montgomeriga qarshi kortga chiqadi. WTA reytingining 195-pog'onasini band etgan Robin bugun chorak finalda franciyalik Margo Ruvroyni 6/4, 6/2 hisoblarida taslim etdi.