Nigina Abduraimova juftlikda 1/2 finalga chiqdi

Ushbu musobaqada hamyurtimiz Nigina Abduraimovaning ham ishtirok etayotgani haqida xabar bergan edik. Tennischimiz yakkalikning ikkinchi davrasida latviyalik tennischiga imkoniyatni boy berib qo'ygach, bor etiborini juftlikdagi ishtirokiga qarata boshladi. 

Franciyalik Estel Kaskino bilan uchinchi raqamli juftlikni hosil qilgan Nigina 1/8 finalda franciyalik Osean Babel hamda shveycariyalik Sebastyanna Skilipoti hamkorligidan 7/5, 6/2 hisobida ustun keldi. Sakson bir daqiqa davom etgan 1/4 finalda esa shveycariyaliklar Karolina Kazakova hamda Alina Granvir tandemi 7/5, 6/3 hisobida mag'lub etildi.

Bugun Nigina va Estel final chiptasi uchun turnirning ikkinchi raqamli juftligi - ruminiyalik Andrea Mitu va argentinalik Nadya Podoroskaga qarshi kortga chiqadi.