Nigina Abduraimova juftlikda ham yutqazdi

Mukofot jamg'armasi 100 ming dollarni tashkil etuvchi turnirda hamyurtimiz Nigina Abduraimova ham ishtirok etayotgan edi. Mamlakatimizning birinchi raketkasi yakkalikning 1/16 finalida rossiyalik Mariya Timofeevaga qarshi kortga chiqib, kutilmaganda reytingning 331-pog'onasida borayotgan raqibasiga 1/6, 1/6 hisoblarida imkoniyatni boy berib qo'ygandi.  

Afsuski, WTA reytingida 170-o'rinni egallab turgan Nigina yakkalikdan so'ng juftlik musobaqasida ham omadsizlikka uchradi. Rossiyalik Ekaterina Yashina bilan tandem hosil qilgan Abduraimova Xitoy Taypeyi vakilasi YU Xsie va indoneziyalik Jessi Rompies hamkorligiga 4/6, 3/6 hisobida yutqazdi va Dubay turniridagi ishtirokini yakunladi.