Nigina Abduraimova Oeyrash bosh sovrinini ko'zlayapti

Mukofot jamg'armasi 60 ming evroni tashkil qiluvchi ushbu musobaqada hamyurtimiz Nigina Abduraimova ham muvaffaqiyatli ishtirok etyapti. Biroz avval mamlakatimizning birinchi raketkasi 1/4 final uchrashuvini yakunladi. 

Dunyoning 184-raketkasi bo'lib turgan Abduraimova 89 daqiqa davom etgan uchrashuvda WTA reytingida 326-pog'onada borayotgan belaruslik Yuliya Gatovkani 6/4, 6/4 hisoblarida mag'lubiyatga uchratdi. Aynan Gotovka birinchi bosqichda turnirning birinchi raketkasi, dunyo reyingida 151-o'rinni egallab turgan avstraliyalik Oliviya Gadekini musobaqadan chiqarib yuborgandi.  

Endi Abduraimova 1/2 final bahsida turnirning beshinchi raketkasi belgiyalik Grit Minnenga qarshi kortga chiqadi. WTA reytingida 173-pog'onada borayotgan Minnen 1/4 finalda litvalik Jyustin Mikulskaytdan 6/0, 6/1 hisobida ustun keldi.