Nigina Abduraimova Oeyrash turniri finalida!

Mukofot jamg'armasi 60 ming evroni tashkil qiluvchi ushbu musobaqada hamyurtimiz Nigina Abduraimova ham muvaffaqiyatli ishtirok etyapti. Quvonarlisi, mamlakatimizning birinchi raketkasi final yo'llanmasini qo'lga kiritdi.

Dunyoning 184-raketkasi bo'lib turgan Abduraimova roppa-rosa 2 soat davom etgan 1/2 final uchrashuvida turnirning to'rtinchi raketkasi, WTA reytingida 173-pog'onada borayotgan belgiyalik Grit Minneni 7/6(5), 6/3 hisoblarida mag'lubiyatga uchratdi. 

Bugun Nigina Abduraimova bosh sovrin uchun kechadigan final uchrashuvida portugaliyalik Francisko Xorxega qarshi kortga chiqadi. Mezbonlar vakilasi yarim final bahsida turnirning oltinchi raketkasi, meksikalik Kontreras Gomesdan 6/4, 6/2 hisobida ustun keldi. Xorxe WTA reytingida 314-pog'onadan joy olgan.