Nigina Abduraimova Palermo WTA turniridagi ishtirokini yakunladi

Ushbu musobaqada Nigina Abduraimovaning ham ishtirok etayotgani haqida xabar bergan edik. Yakkalik bahslarining ilk davrasidayoq mag'lubiyatga uchragan hamyurtimiz juftlikdagi ishtirokini 1/2 final ostonasida to'xtatdi. 

Rossiyalik Sofya Lansere bilan tandem hosil qilgan Nigina 1/8 finalda italiyalik Debor Keza va Martina Kolmenya hamkorligini 5/7, 7/6(5), tay-brekda 11:9 hisoblarida mag'lub etgandi. 

Afsuski, Lansere/Abduraimova juftligi 1/2 final chiptasi uchun kechgan uchrashuvda italiyalik taniqli tennischilar Sara Errani va Jasmin Paolini tandemiga 2/6, 4/6 hisobida imkoniyatni boy berdi. Bir soatu 6 daqiqa davom etgan bahsda Nigina va Sofya 4 ta eys zarbasini amalga oshirdi. Raqiblarda bu ko'rsatkich 0 ko'rinishida bo'ldi.