Nigina Abduraimova Punada 1/2 finalga chiqdi

Mukofot jamg'armasi 40 000 AQSH dollarini tashkil qiluvchi turnirda hamyurtimiz Nigina Abduraimova ham muvaffaqiyatli ishtirok etyapti. Mamlakatimizning birinchi raketkasi biroz avval yakuniga etgan 1/4 final uchrashuvida oson g'alabaga erishdi.

Turnirda ikkinchi raqam ostida tasniflangan Abduraimova yarim final chiptasi uchun kechgan bahsda yaponiyalik Eri SHimizuni 6/2, 6/1 hisobida mag'lubiyatga uchratdi. Nigina 1/16 finalda latviyalik Diana Marcinkevichni 6/2, 6/0, 1/8 finalda esa rossiyalik Darya Kudashovani 6/2, 6/1 hisobida dog'da qoldirgan edi.

Taqqoslash uchun, Nigina WTA reytingida 176, Darya 409, Diana, 374, SHimizu 612-o'rinni egallab turibdi.