Nigina Abduraimova SHveycariyada ikkinchi o'yinini o'tkazdi

Ushbu musobaqada hamyurtimiz Nigina Abduraimovaning ham ishtirok etayotgani haqida xabar bergan edik. Tennischimiz yakkalikning ilk davra uchrashuvida germaniyalik Mona Bartelni 6/3, 6/4 hisobida mag'lubiyatga uchratgan edi. 

Hozirigna Abduraimova ikkinchi davrada latviyalik Darya Seministayaga qarshi kortga chiqdi. Ikki soatu 27 daqiqa davom etgan bahsda Nigina reytingda o'zidan quyida borayotgan raqibasiga 4/6, 7/5, 4/6 hisobida imkoniyatni boy berib, yakkalikdagi ishtirokini yakunladi.  

Taqqoslash uchun, turnirda 8-raqam ostida tasniflangan Abduraimova ayni paytda jahon reytingida 186, Darya Seministaya esa 224-o'rinni egallab turibdi. Bu tennischilarning o'zaro o'tkazgan ilk uchrashuvi edi. Endi mamlakatimizning birinchi raketkasi bor etiborini juftlikdagi ishtirokiga qaratadi.