07 sen 16:47
Yangiliklar

Tennis

Nigina Avstriya turnirida 1/4 finalga chiqdi

Avstriyaning Vena shahrida tennis bo'yicha W60 toifasiga kiruvchi turniri bo'lib o'tmoqda.

Ushbu musobaqada mamlakatimizning birinchi raketkasi Nigina Abduraimova ham muvaffaqiyatli ishtirok etyapti. Tennischimiz birinchi bosqichda mezbon Melani Klaffnerni qiyinchilik (6:4, 6:7, 6:4) bilan mag'lubiyatga uchratgan edi.

Turnirda uchinchi raqam ostida tasniflangan Nigina biroz avval yakuniga etgan 1/8 finalda ham g'alaba nashidasini surdi. Hamyurtimiz 101 daqiqa davom etgan bahsda rossiyalik Viktoriya Kanni 6/3, 6/4 hisobida taslim etdi.

Taqqoslash uchun, Nigina jahon reytingida 194, Klaffner 1316, Kan esa 784-pog'onadan joy olgan. Abduraimovaning 1/4 finaldagi raqibi birozdan so'ng boshlanadigan Yuliya Avdeeva (Rossiya) - Miryam Bulgaru (Ruminiya) uchrashuvida aniqlanadi.