01 sen 08:22
Yangiliklar

Tennis

Nigina Niderlandiya turnirida 1/4 finalga chiqdi

Niderlandiyaning Overeysel provinciyasi Oldenzal shahrida tennis bo'yicha WTA40 toifasiga kiruvchi turnir davom etmoqda.

Ushbu musobaqada hamyurtimiz Nigina Abduraimova ham muvaffaqiyatli ishtirok etyapti. Mamlakatimizning birinchi raketkasi 1/8 finalda germaniyalik Lilli Steurga qarshi kortga chiqdi va raqibasini 3/6, 6/3, 6/1 hisobida mag'lubiyatga uchratdi. Bu tennischilarning o'zaro o'tkazgan ilk uchrashuvi edi.

Taqqoslash uchun, Abduraimova WTA reytingida 194, Steur esa 649-o'rinni egallab turibdi. Turnirda uchinchi raqam ostida tasniflangan Nigina bugun yarim final chiptasi uchun dunyoning roppa-rosa 300-raketkasi bo'lib turgan niderlandiyalik Eva Vedderga qarshi bahs olib boradi.