Nigora Tursunqulova: "Gran-prida hech qachon oson jang bo'lmaydi"

O'zbekiston taekvondo WT associaciyasi matbuot xizmati sportchimiz bilan suhbatlashdi.

- Yaponiyada o'tgan Gran-prida bronza medalga ega chiqdingiz. Taassurotlaringiz bilan o'rtoqlashsangiz.
- Faoliyatim davomida Jahon Gran-prisida ilk bor medal qo'lga kiritdim. Bundan juda ham xursandman. Biz uchun qayg'urib, qo'llab turganlarga rahmat aytaman.

- Musobaqadagi qaysi jang eng qiyini bo'ldi?
- Bilasizmi, Gran-prida oson jang bo'lmaydi. Sababi bu musobaqaga saralangan, dunyoning eng kuchli 32ta taekvondochisi boradi. SHu bois har bir bahs o'ziga yarasha qiyin o'tadi.

- Gran-pri bo'lib o'tgan CHiba prefekturasini aylanishga vaqt bo'ldimi?
- CHibani aylanishga vaqtimiz bo'lgani yo'q. Faqat mehmonxonamiz atrofini sayr qildik xolos. Keyingi yil Olimpiada o'yinlarining taekvondo musobaqalari aynan CHibada o'tkaziladi. Nasib qilsa kelgusi yil bu erga yana kelamiz va aylanishga ham ulguramiz (kuladi).


O'zbekiston taekvondo WTF associaciyasi matbuot xizmati