Nigora Tursunqulova: “Xato va kamchiliklarimiz ustida ishlayapmiz”

Koreyalik murabbiy bosh murabbiyligida shug'ullanayotgan vakillarimiz ayni paytda “Universal” sport majmuasida yig'in olib borishmoqda. 

Mashg'ulotlarga ayni paytdagi eng kuchli sportchilarimiz jalb qilingan. Boisi murabbiylar shtabi ular orasidan kelasi oy Iordaniyada bo'lib o'tadigan Tokio Olimpiadasiga yo'llanma beruvchi musobaqada ishtirok etadigan sportchilarimizni saralab olishadi.

“2 mart kunidan navbatdagi yig'inga kirishdik. Bu oldimizda turgan licenzion turnirga asosiy tayyorgarlik hisoblanadi. Mashg'ulotlarda murabbiylarimiz bilan xato va kamchiliklarimiz ustida ishlamoqdamiz. Rahbariyat tomonidan mashg'ulotlarimiz uchun barcha sharoitlar yaratib berilgan. Biz esa bunday etiborga faqat mehnat qilib, o'z g'alabalarimiz bilan javob berishimiz kerak”, – dedi Nigora Tursunqulova.

Eslatib o'tamiz, hamyurtimiz Nikita Rafalovich Olimpiada reytingi orqali Tokio-2020 yo'llanmasini naqd qilib qo'ygan. Osiyo qitasi uchun kechadigan licenzion turnirda 1+2, yani 1 erkak va 2 ayol taekvondochilardan iborat jamoa bilan 3 ta yo'llanma uchun kurash olib boramiz.