Nikita Rafalovich Olimpiya o'yinlarini g'alaba bilan boshladi

-80 vaznli taekvondochimiz Nikita Rafalovich nimchorak finalda Dominikan terma jamoasi azosi Moyzes Ernandes bilan jang o'tkazdi. Har uchala raundda ustunlikka ega bo'lgan Nikita 17:7 hisobida g'alaba qozonib, chorak finalga yo'l oldi.

Nikita Rafalovich chorak finalda ozarbayjonlik Milad Beigi Xarcheganiga qarshi jang qiladi. 

Malumot uchun, Xarchegani 2016 yilgi Olimpiada bronza medali sohibi, 2017 va 2019 yillarda Jahon chempioni bo'lgan. Ozarbayjonlik taekvondochi bu yilgi Olimpiadada 2-raqam ostida saralangan. 

Rafalovich - Xarchegani jangi bugun Toshkent vaqti bilan soat 11:15da boshlanadi.