Nikita Rafalovich oltin medal sohibi! Osipova ham sovrindor

Musobaqaning bugungi kuni ham taekvondochilarimiz uchun muvaffaqiyatli kechmoqda. 

CHempionatda -87 kg vazn toifasida yurtimiz sharafini himoya qilgan Nikita Rafalovich barcha raqiblarini mag'lubiyatga uchratib, oltin medalni qo'lga kiritdi. U finalda iordaniyalik raqibidan ustun keldi. 

Ayollar o'rtasida +73 kg vazn toifasida Svetlana Osipova ham yurtimizga bronza medali bilan qaytadigan bo'ldi. 

Nikitaning ushbu g'alabasi orqali O'zbekiston erkaklar terma jamoasi hisobidagi medallar soni uchtaga etdi. Yigitlarimiz medallar jamg'arish bo'yicha umumjamoa hisobida Janubiy Koreyani ham ortda qoldirib, birinchi o'ringa chiqib olishdi.