"Nima uchun O'zbekiston MOQ rasmiy sayti 71 emas, balki 65 ta licenziya hisoblashi kerak degan savolga javob". Nikimbaevni ajablantirgan jihat

Nikimbaevga ko'ra, jamoaviy bahslarda qo'lga kiritilgan licenziyalar bitta licenziya hisoblanadi. Ammo, MOQ rasmiy sayti - olimpic.uz badiiy gimnastika, eshkak eshish, kanoeda eshkak eshish sport turlarining jamoaviy bahslarida qo'lga kiritilgan yo'llanmalarni alohida sanab o'tgan. O'z o'rnida Nikimabaevni MOQ matbuot xizmati nima uchun dzyudoning aralash jamoasini 6 ta licenziya sifatida hisoblamaganligi ajablantirmoqda.

"XOQ qoidalariga ko'ra, musobaqada qatnashadigan bir sportchi yoki bitta jamoa bitta licenziya hisoblanadi. Masalan, 20 futbolchidan iborat futbol jamoasi bitta licenziya sifatida hisoblanadi va ular qo'lga kiritgan medal ham yagona sanaladi.

SHunday qilib, badiiy gimnastikada 6 nafar qizimiz 2 ta licenziyani qo'lga kiritishdi: bittasi shaxsiy musobaqada va bittasi jamoada. Xuddi shunday eshkak eshishda ham: eshkak eshishda ikki yigit ikkita alohida ishtirokchi emas, bitta jamoa hisoblanadi. Yuqorida takidlanganidek, MOQ matbuot xizmati dzyudoning aralash jamoasini 6 ta licenziya sifatida hisoblamaganligi ajablanarli.

Kanoeda eshkak eshish yanada qiziqarli, bu erda ikki qiz ikki martadan hisoblanib, bir vaqtning o'zida ishtirokchilar sonini ko'paytirdi. Xuddi shu tarzda, Muxtasar Toxirova ikki marta sanab o'tildi, u Tokioda ikki turdagi dasturda qatnashadi.

Ammo, agar nomma-nom hisoblasangiz, unda Tokiodagi sportchilar 71 emas, 67 nafarga etadi va ular 65 ta licenziyaga ega", - deydi Nikimbaev telegram kanalida.