Nokautlarga boy Andijondagi prof boks oqshomining barcha natijalari + FOTOGALEREYA

Promouter Sardorbek Razzoqov tomonidan o'tkazilgan boks oqshomiga Andijon olimpiya va paralimpiya sport turlariga tayyorlash markazi arenasi mezbonlik qildi. Pro Boxing Night 4 oqshomidan jami 10 ta jang o'rin olgan bo'lib, asosiy jang Ulug'bek Sobirov (13-3-0) hamda Qobiljon Bobojonov o'rtasida o'tkazildi. Ushbu jang 10 raund etib belgilangan edi. Tajribali Sobirov raqibini birinchi raunddayoq texnik nokautga uchratdi.  

Etiborga molik jihati shundaki, 11 ta jangdan 8 tasi muddatidan avval yakunlangan. Ikkita jang to'liq davom etgan va yana bittasida durang natija kuzatilgan. 

Yarimo'rta vazn toifasi vakili Davronbek Hayitaliev Pahlavon Nazirjonovni ikkinchi raundda, yarimo'rta vazn vakili Umidillo Abdurasulov Samandarbek Abdunosirovni ikkinchi raundda, superengil vazn toifasida jang qilgan Sardorbek G'aniev Muhammadamin Kozimovni uchinchi raundda, yarimog'ir vazn vakili SHoyadbek Xoldarov Asadbek Tursunovni ikkinchi raundda, supero'rta vaznda Jamshidbek Tojiboev Husanboy Mirkomilovni ikkinchi raundda, superengil vaznli Nodirbek Soyibov Asrorbek Abdumannobovni birinchi raundda, supero'rta vaznda ringga chiqqan Abdulaziz Abdupattaev esa Abdusaid Fozilovni birinchi raundda texnik nokautga uchratgan. 

"Asakabank" xodimi vakili, havaskor bokschi Asilbek Vahobov ALP boks klubi vakili Furqat SHodiljonovdan ustun keldi. Yarimo'rta vazn toifasida to'liq to'rt raund davom etgan Asilbek Mahamadjonov va Muhammadali Azimjonov jangida esa durang natija kuzatildi.