Novak Jokovich to'rt karra US Open chempioni + FOTOGALEREYA

Musobaqa bosh sovrini uchun jahonning ikkinchi raketkasi Novak Jokovich hamda ATR reytingida 3-o'rinni egallab turgan rossiyalik Daniil Medvedev o'zaro kurash olib borishdi. 

Uch soatu 17 daqiqa davom etgan final uchrashuvida Jokovich raqibini uch setda 6/3, 7/6, 6/3 hisoblarida mag'lub etib, to'rtinchi bor AQSH Ochiq chempionati bosh sovrinini qo'lga kiritdi. Bu Novak uchun mavsumdagi uchinchi, faoliyatidagi yigirma to'rtinchi "Katta Dubulg'a" turniri chempionligi bo'ldi.   

Jokovich Medvedevdan 2021 yilgi US Open finalidagi mag'lubiyati uchun ham revansh oldi. Tennischilar shu vaqtga qadar o'zaro 15 marotaba to'qnash kelishgan bo'lsa, shularnining 10 tasida Novak, 5 tasida Daniil g'alaba qozongan. 

AQSH Ochiq chempionatidagi g'alaba orqali Jokovich 2000 reyting ochkosi va 3 million dollar mukofot puliga ega bo'ladi. SHuningdek, u bugun elon qiliinadigan yangilangan haftalik reytingida Karlos Alkarazni ortda qoldirib, 1-o'ringa qaytadi.