05 apr 19:38
Yangiliklar

Dzyudo

Nurillaev Turkiya Gran-Prisi vice-chempioni

Xabar berganimizdek, Turkiyaning Antaliya shahrida dzyudo bo'yicha Gran-Pri turkumiga kiruvchi nufuzli turnir davom etmoqda.

Hozirgina -60 kg vazn toifasidagi hamyurtimiz Kemran Nurillaev hal qiluvchi final uchrashuvida tatamiga chiqdi. Uning raqibi qozog'istonlik Yeldos Smetov bo'ldi. Bellashuvda yurtdoshimiz ippon bahosi bilan mag'lubiyatga uchrab, terma jamoamizga Turkiya Gran-Prisining kumush medalini taqdim etdi.

Malumot uchun, Kemran Nurillaev finalga qadar Xitoy Taypeyi vakili Kun-Lin Ye, turkiyalik Bekir Ozlu, bolgariyalik Yanislav Gerchev, ozarbayjonlik Orxan Safarov hamda yana bir turk dzbdochisi Mixrach Akkushni mag'lubiyatga uchratgan edi.