Nurmagomedov: "Hammasini Islam Maxachevning maslahati hal qildi"

Ushbu jangda u amerikalik raqibini birinchi raunddayoq nokautga uchratib, o'z kamarini muvaffaqiyatli himoya qilgandi. Bu Usman uchun Amerika tashkiloti bilan tuzilgan shartnoma bo'yicha so'nggi jang edi.

Rossiyalik sportchining so'zlariga ko'ra, uning g'alabasida burchagida turgan Islam Maxachevning maslahati hal qiluvchi rol o'ynagan.

"Hammasini Islamning maslahati hal qildi. U menga: "Oyoq bilan oldinga zarba berayotgandek ko'rsat-da, bosh qismiga hay-kik yo'lla", dedi. U chap qo'l ustunligida buni yaxshi bajarishimni biladi. U aytishi bilan bajardim va zarba nishonga tegdi. Bu u aytgan va men bajargan, natija bergan ikkinchi holat. Islam – oltin burchak vakili", – dedi Nurmagomedov.

SHuningdek, Nurmagomedov UFC`ga o'tishni kechiktirishi va Jeyk Polning Most Valuable Promotions kompaniyasi tomonidan sotib olingan liga bilan yangi shartnoma imzolashi mumkinligini istisno qilmadi.

"Jeyk Pol Dana Uaytning milliardlik kompaniyasi borligi, lekin u jangchilarga hech narsa to'lamasligi haqida ko'p gapiradi. Mana, endi PFL bilan birlashuv yuz berdi, mening shartnomam esa tugadi. Hozir u qanday to'lashini ko'ramiz. Agar gapirgan bo'lsang – endi buni qanday qilish kerakligini ko'rsat. Lekin yana bir bor aytaman, hatto ular menga yuz million to'lashsa ham, men ustozlarim aytganini qilaman, chunki pul – hammasi emas", – deb tushuntirdi Nurmagomedov.

Jangdan so'ng Jeyk Pol Nurmagomedov Kolganning burchagida bo'lgan UFC`ning amaldagi chempioni Jastin Getjini osonlikcha mag'lub etishi mumkinligini aytdi, biroq rossiyalik jangchi amerikalik sportchi haqidagi bunday gaplarni maqullamadi.

"Promouter sifatida Jeyk Pol ko'p gapiradi, bu tabiiy. Lekin jangchi sifatida, aslida u jangchi emas – u shunchaki Youtube'dan kelgan, ko'p pul ishlagan yigit, jangchilar esa boshqacha yashashadi. Agar haqiqiy jangchilarni ko'rmoqchi bo'lsangiz – zalimga keling.

Agar kimdir Jastinga hurmat ko'rsatmasa – ochig'ini aytganda, bu yomon. Jastin Getji – afsona, men uning hozir chempion ekanligidan juda xursandman va unga eng ezgu tilaklarni tilayman", – dedi Nurmagomedov tadbirdan keyingi matbuot anjumanida.