28 sen 10:00
Yangiliklar
Boks/MMA
Nurmagomedov Maxachev va Oliveyra o'rtasidagi revansh jangi haqida gapirdi
Engil vazn toifasida Bellator amaldagi chempioni Usman Nurmagomedov 21 oktyabr kuni Abu-Dabida bo'lib o'tadigan UFC 294 turniridan o'rin olgan Maxachev hamda Oliveyra o'rtasidagi revansh jang haqida o'z fikrlarini bildirib o'tdi.
"Menimcha, ikkinchi jang ham birinchisi kabi bo'ladi. Balki Oliveyra xatolaridan to'g'ri xulosa chiqargandir. Axir bu jang, unda hamma narsa sodir bo'lishi mumkin. Islam qanchalik qattiq mashq qilayotganini, uning jangchi sifatida aqlli ekanini, tik holatda ham, kurashda ham yaxshi ekanligini bilganim uchun CHarlz unga hech qanday muammo tug'dira olmaydi deb o'ylayman", - deydi Usman Nurmagomedov.
Eslatib o'tamiz, Maxachev va Oliveyra o'rtasidagi ilk jang 2022 yilning oktyabr oyida bo'lib o'tgan. Duelda Islam braziliyalikni ikkinchi raundda bo'g'ish usuli bilan taslim etgandi.
Havola :
Manba : mma.metaratings.ru
Fikrlar