Nurmuhammedov Olimpiada licenziyasi uchun kurashadi, Ilyas kutilmaganda musobaqadan "echildi" + FOTO

Bugun musobaqaning birinchi kuni erkin kurashchilar 6 ta vazn toifasida Tokio Olimpidasining jami 12 ta yo'llanmasi uchun o'zaro bellashishadi. Ular orasida ikki erkin kurashchimiz ham bo'lishi kerak edi. 

Afsuski, nomalum sabablarga ko'ra Ilyas Bekbulatov licenziya uchun kurashmaydigan bo'ldi. Vaholanki, Bekbulatov ayni paytda terma jamoamiz bilan birga Sofiya shahrida bo'lib turibdi. Bizga etib kelgan xabarda Ilyasning belgilangan vazn meyorini bajara olmagan. 

Eslatib o'tamiz, u Osiyo licenzion turnirining Olimpiada chiptasi uchun kechgan yarim final bellashuvida 8:0 hisobida g'alaba qozona turib, mag'lubiyatga uchragandi. Endi esa bunday holat...

Uning kvalifikaciya bahsidagi raqibi. koreyalik Yun Junsik kurashsiz nimchorak finalga yo'l oldi. Endi bor umidimiz eng og'ir vaznli kurashchimiz Dilmuhammad Nurmuhammedovdan. Xalqaro tajribaga ega bo'lmagan kurashchimiz kvalifikaciya bahsida avstraliyalik Param Pal Singhaga qarshi gilamga chiqadi. 

Malumot uchun, Tokio Olimpiadasi licenziyalari faqat finalga etib kelgan ikki kurashchiga taqdim etiladi. Jahon licenzion turniri oldidan erkin va yunon-rum kurashchilarimizda 4 tadan jami 8 ta licenziya bor. 

Erkin kurash

1/8 final. 125 kg: Dilmuhammad Nurmuhammedov - Param Pal Singh (Avstraliya)