Nursulton Ro'ziboev "Gladiator"ga qarshi jangi bekor bo'lganiga ilk bor izoh berdi

U o'sha kuni bo'lib o'tadigan UFC 308 musobaqasi doirasida rossiyalik Rinat Faxretdinov bilan jang qilishi kerak edi. Biroq Nursultonning jarohat olishi natijasida bellashuv bekor qilindi.

"20 sentyabr kuni zalda oyog'imni biroz qayirib olgandim. 25 sentyabr kuni esa UFC doktori jarohatimni ko'rib, ikki hafta mashg'ulot qilmay turishimni aytdi. Menejerim esa bu vaziyatda tavakkal qilmasdan, jangni bekor qilishimizni aytdi. O'tgan safar ham tavakkal qilib, tayyorgarliksiz chiqib, mag'lub bo'lganimizni eslatdi. Biz jangni noyabr oyidagi raqamli turnirga ko'chirishni so'radik, lekin Rinatning AQSHga vizasi yo'qligi tufayli jangimiz bekor bo'ldi. Xudo xohlasa, yangi yilgacha yana jang berib qolishi mumkin. Bu bizning aybimiz bilan bo'lmadi. Yomon hayolga bormanglar", dedi Ro'ziboev.